Durante di e conferencia di prensa yama pa gobierno di Aruba, despues di yegada di Prome Minister mr. Evelyn Wever-Croes fo’i Hulanda, e mandatario a menciona di su reunion diaranson cu Prome Minister di Hulanda, Mark Rutte, caminda cu a toca diferente tema.
E mandatario a dun’e un update di e desaroyonan na Aruba y su recuperacion. Rutte ta hopi impresiona pa mira con fuerte y con lihe Aruba ta desaroyando y recuperando di e pandemia. A toca tema tambe di e Onderlinge Regeling, como tambe e refinanciamento di e debe, e condicion cu Hulanda ta poniendo ainda riba mesa pa pone un Rijkswet (Raft).
E mandatario a indica cu e reunion aki a bay hopi bon tambe. Por mira porta ta habriendo pa por yuda Aruba yega na varios solucion mas lihe.
