Esaki ta loke cu Prome Minister Evelyn Wever Croes ora cu el a drenta su oficina dialuna mainta y a haya un sorpresa for di su colega. El a keda manera “speechless” e momento cu el a topa henter Conseho di Minister y su staff cu a ricibie cu un bouquet di flor.
El a bisa cu e ricibimento cu el a haya tabata uno hopi bunita y emocional, despues di a pasa den momentonan hopi duro. “Nos no a kere cu nos lo “make it”, aunke semper a trata di motiva e pueblo. E tabata hopi hopi dificil. E decisionnan cu nos a tuma no tabata facil. Cierto momento cu curason cera bo ta haci cierto cosnan, pero bo no sa kico tur e consecuencianan lo ta.”
El a sigura cu a haci tur lo posibel. No tabatin otro opcion y tur loke cu nos a haci ta cu loke tin awo riba mesa tabata e miho opcion. Nos por biba cu ne. Si nos haci drechi, nada ta bay malo. Si nos sigui coopera manera nos mester haci’e, tumando bon decisionnan, teniendo cuenta cu gobernacion responsabel nos no mester tin miedo.”
El a apela na tur hende pa duna un man pa reconstrui e pais.
Na final el a gradici tur hende pa e sorpresa y a bisa cu esey tabata algo cu e no a spera.
