Den Hendrikstraat polisnan a bay atende cu ponemento di stoel riba caminda publico. Yamada y keho a drenta cu tin musica y stoel poni dilanti e barbershop net otro banda di Silla Restaurant situa den Hendrikstraat na Playa. Polis a constata cu un grupo di persona, di nacionalidad Dominicano, tabata sinta eydilanti.
Esey ta e estilo cu tin na nan pais. Sinta riba caya cu musica y gosa di weekend. Na Aruba hende no gusta y legalmente no mag. Pesey a yama polis.
Patruya a yega y no mester a baha for di auto. A para entre Silla y e Barbershop y via nan speaker pafo instala den e auto di polis a manda e mensahe. “Prohibido poner silla en la calle. Prohibido aglomerarse en la calle.”
E hendenan a compronde y a core warda e stoelnan paden. Mag sinta den e Barbershop pero pafo riba acera cu aglomeracion ta prohibi.
