Recientemente Minister di Turismo, Salubridad publico y Deporte Sr. Dangui Oduber hunto cu IBiSA a introduci e programma “Hoben Activo, Hoben Feliz”.
E meta di e programa aki ta pa stimula e hubentud pa ta mas activo y saludabel. E programa aki ta tuma lugar na Sport Centrum San Nicolas riba dialuna y diaranson for di 3:00 pa 5:00 di atardi. Actividadnan durante e programa lo wordo dirigi na muchanan di 9 pa 13 aña. Durante e luna di oktober, e prome dos simannan, dia 8, 10, 15 y 17 lo ofrece lesnan di Basket, sigui pa dos siman di Table Tennis riba e dianan 22, 24, 29 y 31 di oktober.
Luna di November, durante e prome dos siman, riba e dianan 5, 7, 12 y 14, lo ofrece lesnan di Kyokushin Karate. Esaki ta sigui cu lesnan di Atletiek durante e ultimo dos simannan di November riba e dianan 19, 21, 26 y 28. Luna di december e lesnan lo para pa vakantie escolar y lo cuminsa bek na januari 2019 cu entre otro e deporte di Volleybal y mas deporte cu lo wordo anuncia despues. Participacion ta gratis y djies mester percura pa bista paña deportivo y sapato edecua. Pa mas informacion di e programa por yama IBiSA libremente na 5848903/5824987 of manda un email pa [email protected]. Tambe por bishita e Facebook page di IBiSA Aruba.
