Professional Pest Control e aña aki ta cumpli 37 aña na servicio di nos comunidad. Dario Croes, Representante di Benta y Supervisor, a splica cu e celebracion no ta solamente p’e aniversario, pero tambe pa na 37 aña di servicio di experiencia, trahando pa comunidad pa hiba un facilidad y bida miho pa e sernan keri.
Recientemente Professional Pest Control a caba di renoba nan tienda. Un tienda basta amplio, cu tin hopi variedad di producto. Croes ta invita e pueblo di Aruba pa pasa cerca nan pa haya un splicacion di kico ta e miho producto pa uza pa e problema cu tin na cas.
OFERTA
Professional Pest Control a habri nan tienda nobo y p’esey den luna di maart, ta ofrece 20% di descuento riba tur articulo cu tin den e tienda, pa cada problema cu por tin. Den e tienda ta haya productonan amplio, hunto c’un splicacion di e producto, pa asina e cliente sa ki producto pa uza y e importante tambe, con pa uz’e.
Tambe nan tin servicio di inspeccion gratis, unda cu e expertonan di Professional Pest Control ta check kico ta e problema cu e cliente tin na su cas y asina ofrece un servicio pa ataca e problema, eradic’e for di su reis.
FRUMINGA
Mas aleu, Dario a splica cu tin hopi sorto di fruminga: Tin fruminga cu ta keda pafo so, fruminga cu ta drenta paden. E ultimo aki ta fruminga cu ta gusta cos dushi, pero tambe fruminga cu ta gusta carni of galiña. Basa riba kico ta e problema di fruminga, ta indica na e producto cu ta adecua p’e. Nan tin gel of tambe granular, cu ta uza mas parti pafo.
COMEHEIN
Pa combati comehein, tin productonan cu ta bende den tienda, cu e cliente mes por pasa busca y haya un splicacion di con pa aplic’e of con pa uz’e. Pero ta mas miho pa e cliente pasa personalmente cerca nan of yama nan pa nan bay cas di e cliente pa haci un evaluacion, pa asina nan por wak exactamente di unda e problema ta bin y pa e cliente haya un indicacion di cual ta e servicio adecua.
MUSCA/PALOMA
Pa loke ta trata musca, sigur esaki tin su temporada. Esaki ta mas tanto ora di yobida, ta haci cu hopi mata ta bay nace, pero tambe putrificacion, cual ta mas tanto ta den bari sushi. Nan tin un variedad di producto pa pone parti pafo, pa e no bin den e parti paden. Esey ta e mas adecua.
Pa e problema di paloma, tambe nan tin un variedad amplio di producto, cu e cliente mes por pasa cumpra na nan tienda. Pero tambe por laga haci un inspeccion pa tin un indicacion di kico ta e problema y cual ta miho manera pa eradica e problema aki.
Professional Pest Control ta situa na Avenida Milo Croes #92 of por yama nan na 582-5002, pa cualkier pregunta of servicio. Nan ta cla pa yuda bo.
