Universidad di Aruba tin un bon cooperacion cu University of South Carolina. No mucho siman pasa un profesor a duna lectura riba con por hiba un miho maneho den turismo.
Riba 25 di september ultimo a tuma luga un otro presentacion riba turismo. E biaha aki, profesor, dr. David Cardenas di University of South Carolina a hiba un presentacion con pa planea turismo y e concepto nobo: con pa haci turismo.
Por riba bek riba un sala yen di profesional, director di compania tanto priva como publico, “young professionals” y studiante. Durante un entrevista cu 24ora.com, e profesor a conta e importancia di planea bo turismo.
E publico presenta tabata hopi interactivo y hasta critico. A papia riba e entre otro e importancia humano den turismo, adaptacionnan cu tin cu tuma luga y e reconocimento necesario. E ta un concepto nobo y tin hopi pa siña, e profesor a indica. Ta haciendo hopi estudio ainda y asina tin e resultado, lo comparti esaki cu esunnan di interes p’asina sigura cu lo sigui progresa pa cu turismo na Aruba.
Turismo riba su nos ta planea. Turismo sostenibel ta importante, tin cu pensa aki riba idea nobo, atraccion nobo y mas importante pa e pueblo mes ta contento. Si e pueblo ta contento y ta biba bon, claro lo brinda miho trato y servicio na su bishitantenan. A profesor a contesta mayoria pregunta y tabatin algun cu hasta no tabata di acuerdo cu e presentacion pero esey ta democracia y saludabel pa tin diferencia di opinion. “Stay engaged, be active and make sure your voice get heard”, asina e profesor a conclui bisando.
