Ayera por a tuma nota di un carta cu fecha diarasnon 23 di maart emiti y firma pa Minister di Asuntonan General, Innovacion, Organisacion Gubernamental, Infrastructura y Planificacion Teritoria, mr. Evelyn Wever Croes den cual a manda informa Arminda Khemlani, empleado di parlamento, cu e ta prohibi di drenta edificio di parlamento. Relaciona cu esaki, a surgi hopi pregunta tocante e motibo pa kico tabata e minister di asuntonan general ta esun cu a firma esaki.
Segun Presidente di Parlamento, mr. Edgard Vrolijk a duna di conoce, esaki ta un procedura normal. A referi na cu ya for di algun tempo a inicia e proceso di independisacion di parlamento for di gobierno, pero esaki no a termina ainda. Pues, mientrastanto tur trahado cu ta traha na parlamento ta cay bou di e minister di asuntonan general.
Cu esaki a splica cu na momento cu a haya un keho, DRH a haci su investigacionnan y minister presidente a firma e prohibicion di entrada di Khemlani ya cu e ta resorta bou di dje. A enfatisa dibiaha cu esaki no kiermen cu ta minister presidente a entrega e keha of encamina e proceso contra e persona, el a solamente firma e carta ya cu esaki ta cay den su responsabilidad.
Pa un relato mas amplio lesa edicion di TREMPAN.
