Diadomingo mainta a surgi un problema basta serio na Savaneta. A drenta infromacion cu tabatin un pelea formal. Un grupo di hende a presenta na un cas na Savaneta patras di Ex Domino’s Pizza pa un pelea.
![](https://24ora.com/wp-content/uploads/2018/12/121618peleamante-2_1080x720-1024x683.jpg)
Tabata papia cu nan kier a agredi un persona na e adres. Tres unidad di San Nicolas a bay pura na e sitio. Na yegada a logra calma e situacion y busca drechi kico a pasa. A resulta cu un muhe a yega haya su casa cu un amante na e cas.
![](https://24ora.com/wp-content/uploads/2018/12/121618peleamante-1_1080x792-1024x751.jpg)
Esaki e no a aprecia y a bay den accion mesora pa recupera su casa. Pa haci esaki e mester a busca manera di tumba su rival. Finalmente Polis a interveni y no tabatin detencion y tampoco hende herida. Polis a atende rond di un auto presente relaciona cu e caso. Den e caso aki e homber mester dicidi si e lo keda cu e amante of e casa.