Dialuna, den careda di 6:00pm, a surgi un problema den suministro di coriente den e bario di Dakota. E tecniconan di Elmar a mobilisa di biaha pa asina haya sa unda cu e fayo ta situa.
Asina tambe, despues di a check varios trafohuis, a bin encontra c’un piesa kima den e trafohuis na Cayena Mall.
Mas despues, ora cu anochi a cuminsa cera, pa mas o menos 6:43pm, algun bario di Dakota a cuminsa haya coriente bek. Sinembargo, e barionan cu ta cay riba e red di distribucion di Cayena Mall, lo dura sigur un cuater ora mas prome cu nan por haya coriente bek. Esaki segun e tecniconan di NV Elmar.
Algo sigur, no mucho alentador, mirando cu, door di falta di mantencion, ta e mesun pueblo ta esun cu ta sali perhudica ora cu coriente bay.
Naturalmente e tin di haber tambe cu falta di mantencion riba e red di distribuimento di coriente. Ta importante pa mira cierto piesanan si nan tin hopi aña caba, si mester cambia nan of ki otro por haci. Ta parce, segun un habitante a comenta, ta simplemente ta laga tur cos te ora cu no por mas y explota. Manera cu a sosode den e transformator na Tarabana.
E ciudadanonan ta bisa cu nan a scucha un zonido masha duro y seguidamente luz a bay.
