Diabierna 15 di december 2023 a tuma luga un reunion di e accionistanan di Setar N.V. (aandeelhoudersvergadering). Durante e reunion, Minister di Asuntonan Economico, Comunicacion y Desaroyo Sostenibel, mr. Geoffrey Wever, a ricibi e presupuesto pa 2024 di Setar N.V.
Minister Wever ta aplaudi e entrega na tempo di e presupuesto, danki na e directiva, tur empleado y tambe miembronan di e hunta di supervision cu a haci esaki posibel.
Den e era moderno, conexion ta mas importante cu nunca, y den esaki Setar N.V. ta keda un compania robusto y ta un contribuyente importante na e economia di Aruba, brindando e servicio y desaroyo tecnologico di comunicacion.
Den e reunion di accionista minister Wever a aproba cu Setar lo inverti AFL 70 miyon den continua cu conecta tur cas na Aruba riba fiber, y implementacion di 5Gentre otro. Setar N.V. lo duna Gobierno di Aruba como unico accionista AFL. 5.5 miyon na dividendo.
Riba peticion di minister Wever, Setar N.V. ta bay inverti tambe den sostenibilidad y a agrega un di 6 pilar strategico na Setar N.V. esta “Responsable Connectivity”, haciendo Setar N.V. asina un empresa cu ta contribui na un miho medio ambiente na Aruba.
Ta premira cu 2024 ta bay ta un aña sumamente exitoso pa Setar N.V., ora cu lo sigui promove e tecnologia y servicio di telecomunicacion como tambe aportando bek na comunidad manera ta e custumber.
