Diadomingo atardi a tuma luga un ceremonia special na Plaza Juan E. Yrausquin. Aki ta caminda cu candidato- y sostenedonan di e partido a bini hunto pa recorda cincuentinuebe aña di fayecimento di e fundado di partido Partido Patriotico Arubano (PPA).
E secretario general, Eddie Bennet hunto cu e lider di partido, Lisette Malmberg a pone un krans na e busto di señor Juan E. Yrausquin. Bennett a comenta cu Juancho tabata un pilar pa e sector turistico na Aruba.
Malmberg ta contento cu e generacion nobo ta sigui cu e legado di Juancho Yrausquin. Pa nan, ta importante pa honra historia p’asina tin un miho base pa futuro. PPA ta den gran expectativa pa eleccion parlamentario di 25 di juni proximo.
