Cu reapertura di e frontera , ta premira un intercambio comercial di aproximadamente 2 miyon dollar pa e aña aki ainda, segun cifra cu ta bin di Caracas.
Despues di shete aña cu frontera tabata cera, dialuna a tuma apertura oficial di e frontera entre Colombia cu Venezuela.
Pa efectua e acto oficial di e reapertura, a habri paso na e prome vehiculonan di carga, cu a crusa e brug internacional Simón Bolívar, cu ta e brug cu ta conecta e dos paisnan via estado Tachira.
E delegacion Venezolano tabata lidera door di e minister di transporte, Ramón Velásquez Araguayán, e superintendente Nacional di Aduana y Tributario, José David Cabello, e ministro de Industria, Hipólito Abreu, e embahador Venezolano na Bogota, Félix Plasencia como tambe e gobernador di e estado Táchira, Freddy Bernal.
Delegacion Colombiano tabatin presente e Minister President di Colombia Gustavo Petro, canciller Álvaro Leyva, e minister de Comercio, Germán Umaña y e minister de Transporte, Guillermo Reyes.
Varios mandatario a bisti na blanco,a para pa e potret historico aki pa despues resona e himno tanto di Colombia como esun di Venezuela, cu tabata bou guia di e banda marcial di Fuerza Armada Nacional Bolivariana (FANB).
Ta calcula cu a transito pa locual ta transporte di carga via e ruta aki, lo ta entre 10:00 am te cu aproximadamente 6:00 pm
Fecha cu Venezuela a cera frontera cu Colombia tabata augustus di 2015, despues cu miembro di e Fuerza Armada Nacional Bolivariana (FANB) y civilnan a resulta herida despues di un confrontacion serio na e zona ey.
Colombia y Venezuela ta comparti 2.119 km di frontera. Cu e reapertura di frontera ta spera di mira di genera e 2 miyon di dollar cu e presidente Venezolano Nicolas Maduro ta premira.
Prome cu e ciere a tuma luga, e intercambio comercial tabata produci 7 miyon dollar pa aña segun dato di Caracas.
