Dialuna mainta e radar kamer di Cuerpo Policial a capta diferente señal sospechoso. Parce a vigila con dos boto a topa cu otro mas banda paseit di nos isla. No por confirma si ta den awa di Aruba, Venezuela of internacional. En fin, no a confia e situacion y a activa e helicopter di polis, patruya na tera y hasta e metalshark di Wardacosta.
A campa basta rato ta warda e botonan drenta. Berdad, na Rodgers Beach a topa cu un boto local y a tene un control abordo. Ey tur cos tabata na ordo, pero nada ilegal. Djey a sigui tambe pa un otro boto cu a drenta na Waf di Barcadera.
Ey, personal di Aduana y polis tabata sper’e estilo; comision di bonbini. A yam’e un caluroso bon dia y a controla e boto. A eherce nan trabou y e boto ey tambe tabatin tur cos na ordo. Asina a sigui henter mainta ta controla diferente boto, specialmente esunnan cu ta bin for di zuid.
