Diadomingo durante parada di carnaval grandi na Playa, e maneho “Faya bo haya” a sigui duna su frutonan. Polis a baha pisa riba esunnan cu no a comporta. Tabatin cero tolerancia pa pelea, tiramento di boter, insulto na autoridad y buracheria riba tereno publico.
Un di e prome detencionnan a sosode den area di Plaza Libertador G.F. Betico Croes. Aki a detene un hende homber. Mas atardi tabatin varios pelea rib’e ruta di L.G. Smith Bouelevard. Den area di Marisol Building polis a detene un homber. Den parkeerplaats dilanti di Parlamento tambe polis a detene dos hoben cu no a comporta nan mes.
Asina ki mas detencion a keda cay durante transcurso di e parada, den e mesun areanan di costumber. E detencionnan aki no ta bay sin mas pasobra ora yega ward’i polis, ta presenta bo dilanti un subfiscal cu mester dicidi si bo ta keda encarcela of ta aplica “lik op stuk”. E ora bo ta haya un multa pa bo paga “cash” y despues por bay cas.
