Diasabra algo pasa di 12:30 pm a sosode un caso di hincamento den un compleho di apartamento situa den Uruguaystraat. Ta menciona cu eyden tin un cantidad di stranhero bibando y cu lo a presenta un discusion cu a caba na agresion pisa, incluyendo e uzo di arma blanco.
Polis a cera e area completo pendiente pa e team forensico realisa investigacion hunto cu recherche. Den e proceso a nota hopi sacament’i potret, midimento y sin lubida cu a tuma version di esunnan na e sitio pero tambe bisiñanan a conta kico nan a mira y scucha.
Ambulance a transporta e victima, un hende homber, cu urgencia pa hospital. Mucho informacion no por a saca afo di e sucedido. Algun testigo ta menciona cu ta trata di un problema di famia, otro ta menciona cu ta problema di pareha.
E condicion di e victima tampoco ta conoci pero e echo cu a pidi presencia di varios autoridad ta mustra cu ta trata di algo hopi serio!
