Tabata alrededor di 10:00 pm ora cu polis a duna un auto marca Honda modelo Pilot numera A-2902 señal pa para den Dakota. E chauffeur no a respeta y a sigui core y para dilanti Olijfistraat 22.
E chauffeur, segun informacion ricibi ta Nigel Williams, kenda tabata envolvi den e bringamento cu yiu di prome minister, esta, Kevin Wever. E pelea mes a sosode tres siman pasa den e area hotelero.
Polis a rondona henter e cas pero te ainda no a topa cu Nigel Williams. Famia ta sinti cu ta trata di un “show.” Ta sinti cu tin metemento politico den henter e proceso aki. Ta cuestiona dicon no ta detene yiu di prome minister pero e otro partido so.
