Diasabra merdia alrededor di 12:30 pm polis a presenta cu basta pura den Indianenweg p’un caso caminda cu adicto ambulante a drenta den cura di compania di seguro cu menos bon intencion.
A drenta cu herment y otro materialnan cla pa horta. Na yegada di polis a bin topa cu dos di nan, Mexi y Van der Bliek. Nan a conta polis cu nan intencion no tabata pa horta y cu simplemente ta buscando un lugar fresco pa nan drumi. Nan no tin’e facil riba caya y haya un “spot” diferente y sigur, tin ora ta bira dificil. Polis no a kere nan “versje” y mirando nan comportacion, a dicidi di controla ambos. Un tabata cu un saco di supermercado y e otro cu un tas. A controla ambos pero a constata cu no a horta nada. A duna ambos un bon scual, pa djey core cu ambos for di sitio.
![](https://24ora.com/wp-content/uploads/2024/06/9ab6d8fb-e862-458a-bba3-d1ccb3dc12a9.jpeg)
![](https://24ora.com/wp-content/uploads/2024/06/e331b2c8-fcf3-4a32-ab64-2842a5cc84ef.jpeg)
![](https://24ora.com/wp-content/uploads/2024/06/cdadfe98-7026-4bb7-9334-877dfe2e2601.jpeg)
![](https://24ora.com/wp-content/uploads/2024/06/b326631b-6abc-4824-ae05-a778869d49f1.jpeg)