E team di recherche encarga pa investiga ladronicia di cas hunto cu recherche di San Nicolas a haci un entrada hudicial riba un tereno na Sero Lopez. Aki a bin descubri dos container cu varios articulo cu ta sospecha ta procedente di diferente ladronicia.
Durante e entrada hudicial a detene R.T.W. naci na Aruba di 32 aña y O.D.C naci na Aruba di 29 aña. Tambe a confisca dos pickup cu recherche ta sospecha tambe ta horta.
Pa polis por resolve mas caso ta pidi cooperacion y informacion di pueblo, por yama e tiplijn di polis cu ta 11141. Autoridad ta garantisa cu tur tip ta keda anonimo.
