Diabierna pasa di 8:30 pm polis a para un auto marca Chevorlet color di oro cu un chauffeur betra tra’i stuur. Testigo a mira cu fo’i rotonde Las America’s e auto tabata core malo riba caminda y tabata subi y baha acera y a casi dal frontal den un otro auto riba caminda.
Mesora a par’e pabou di e stacion di Arubus riba L.G. Smith Boulevard y a pone supla. No por a produci un resultado pasobra e chauffeur tabata asina burachi, cu e no por a ni supla. Polis a deten’e mesora na e sitio. A transport’e pa ward’i polis pa present’e dilanti un sub-fiscal pa dicidi riba su detencion.
