Diasabra anochi alrededor di 10:50 pm polis a para un Nissan Sentra numera A-65424 color cora. A par’e net poco pariba di rotonde Alhambra. Na prome instante polis a duna di conoce cu ta señala droga den e auto.
Tabata tin cuater hoben den e auto. A busca den e auto y a topa cu diferente arma blanco manera cuchiu y schroefdraaier. Polis a detene e chauffeur y a hib’e pa warda di polis.
A controla y busca den e auto. Segun polis nan a mira droga den e auto. Segun un di esnan den e auto, nan no tin droga den e auto. Polis si a bisa cu tin droga mientras cu e pasaheronan ta rechasa esaki rotundamente.
24ora no a mira ningun droga den e auto te asina leu. Na final e tres amigonan a sigui nan caminda den e Sentra mientras e di cuater a bay den un transporte policial pa warda di polis. E pregunta sin contesta ta keda, pakico a detene e chauffeur. No tin e motibo exacto ainda dicon a deten’e.
