Polis a haya yamada di persona cu ta keha pa un situacion fastioso. Esaki tabata den careda di 11:00 am y a informa nan di un homber ta cana completamente sunu den su cura di cas na Macuarima.
Dos patruya di Polis a presenta na e adres y a cana rond di e cas. Despues di un rato a presenta un homber na porta y di biaha e agentenan a bay papia cu ne. No ta conoci si e homber ta e mesun persona cu a cana sunu. Polis a papia basta rato cu ne. Nan a splic’e tocante e kehonan cu a drenta y e posibel consecuencia. Despues cu nan a caba di atende cu e homber, e agentenan a bandona e sitio.
