Aruba su leynan ta stipula cu si un vehiculo su papelnan ta na ordo y sin e papelnan aki, e auto no por ta riba caminda. Pero diasabra ultimo, prome cu e Parada di Flambeu a cuminsa, Cuerpo Policial a tene un control riba e vehiculonan cu lo participa den e parada y a resulta cu varios di nan no tin nan papelnan na ordo.
Relaciona cu esaki, Richela Dorothal, Director Interino di Departamento di Inspeccion Tecnico (DTI) a indica cu ta for di november caba DTI tabata basta activo den e medionan di comunicacion, vociferando pa tur e vehiculonan cu ta bay participa den Carnaval, pa nan tin nan papelnan na ordo.
Dorothal a splica cu no ta trata solamente un documento, e ‘keuringsbewijs’, Pero ta importante tambe pa keur e vehiculo pa motibonan di siguridad. Tin cierto aspectonan c’un ciudadano no por controla riba su mes na su cas, por ehempel e brakenan, contrario n’e luznan. A base di esey tambe DTI Ta haci apelacion pa keur e vehiculonan, ya cu ta trata di un parada unda cu tin multitud di hende ta participa.
Ta p’esey DTI tabata haci apelacion pa keur e vehiculonan y nan tabata habri final di december, 27, 28 y 29 caminda cu tabatin oportunidad amplio pa pasa keur e vehiculonan.
Mester tene cuenta cu e autonan di bouwjaar nobo cu no mester di e keuring. Pero e autonan di bouwjaar 2021, si mester pasa e keuring e aña aki. Un auto cu ta wordo uza pa metanan comercial, tur mester pasa e keuring anualmente. Esey ta e proceso cu DTI ta encamina.
Pa mas lesa TREMPAN.
