Tiradonan di pisca tabata na Parlamento pa sigui e reunion cu ta trata e ley di sparefishing. Iby Kock ta un tirado di pisca y tabata hunto cu algun amigo. El a splica cu e ta pensa cu tur hende ta positivo cu e ley aki.
Loke e ta desea ta algo permanente. Ta haci esaki pa tanten, ta ok. E no kier pa ningun hindi kita loke ta di nan.
Kock a splica cu nan grupo ta chikito. Hopi hende a purba den pasado pa bin cu e ley aki. Pero no tabata tin ningun union di piscado, cu e diferencia actual.
Awor aki tin basta hende cu a uni na e grupo aki y tambe a duna nan punto di bista y a yuda haci esaki un realidad, cual e ta spera tambe.
Kock ta indica cu tin por lo menos 60 pa 70 tirado di pisca, cual Kock a kere sigur ta su famia so. Tin hende loco tambe, pero ta un man yen nan ta.
Politiconan ta kere cu e “deporte” aki ta uno peligroso, cual Kock a responde cu e no lo laga ningun hende bula na awa cun’e, si e no ta capacita. E no lo kier bisa mama, ni tata di ningun hende cu nan ser stima lo a hoga.
Mayoria di hende cu ta tirado di pisca, cu ta haci esaki pa bida, tin conocimento di lama y ta siña esnan cu ta bay cu nan con pa tira.
Si nan tera awa, e persona no sa landa, e no ta drenta lama. Ni cu e roga, e no ta bay. Asina simpel e ta, segun Kock. Tin mas hende eyfo cu tambe ta pensa mesun cos. Kock no ta kere cu ken cu ta lo bay tira pa loco. Mester tin conocemento di esaki tambe.
Cuanto un harpoen costa
Pa tin un harpoen, tin su costo. Segun Kock, e bara di mas barata, di mas of menos 1 meter y 10, ta 170 of 100 segunda mano, depende. Un cabo, depende di unda nan bin cun’e, esun di mas barata ta 100 florin. E por bay te 700, depende con abo ta balora bo harpoen.
Kock tin un harpoen cu e ta yama Frankenstein y p’e e harpoen ey, ni cu nan bin cu 50 mil nan lo bay cun’e. Ta depende con bo ta trata bo arma. E arma aki cu e piscado, ta uno solo. Sin dje, e piscado no ta nada.
Mescos cu un piscado of polis, cada ken cu su armanan riba dje. Cada ken tin balor di nan harpoen. Harpoen ta core den un average di 500 florin. Tin di nan ta riba mil of 2 mil florin, depende con profesional e ta. Kock a indica cu su harpoen ta chikito, pero e ta sirbi su proposito.
Tiramento di pisca
Pa loke ta tiramento di pisca, Kock a splica cu e mes ta prome kantil, Si e prome kantil no haya, e ta bay di dos kantil. Esey ta nifica unda cu por wak e barconan core pasa. Eynan ta mas of menos di 60 pa 100 pia hundo.
Ora cu bin aden, por pasa riba 40 pia bin aden. Basicamente nan ta bay basta leu. Nan mes ta bay cabes di cero bay nort. E prome kantil patras di rif, ora cu ta para na tera, no ta wak e fleppernan mes ta bati. No ta mira ningun problema den e profundidad cu nan ta bay.
