El a logra capta e number di e auto cu a pasa dal’e y sigui core. E no por a kere cu e no a para y sikiera controla si e ta bon.
Algo pasa di 9:45 pm polis a bay Emmanstraat, net na crusada dilanti corte, caminda cu un pick up Chevorlet numera A-74064 a dal un hende homber riba su bisicleta electrico y bay lag’e herida atras.
Mesora polis y ambulance a presenta pa asina atende cu ne na sitio mes. A pasa e caso pa polis di trafico cu tin di bay busca e sospechoso y saca afo e motibo di su acto como tambe pa e para responsabel pa locual e la haci.
