Manera ta conoci, Parlamento di Aruba lo mester trata e Ley di matrimonio di mesun sexo dia 18 di juni proximo, pa 9:00am. Sinembargo, den un carta fecha 15 di juni, Parlamentario Dr. Arthur Vallejo, miembro di Fraccion di MEP, a haci entrega di un peticion na President di Parlamento, mr. Edgard Vrolijk pa pospone e reunion aki.
Motibo ta cu rib’e fecha aki e lo ta den exterior pa motibonan di salud di su yiu pa cual e no por ta presente den e reunion importante aki. President di Parlamento a bay di acuerdo cu e peticion aki y e reunion lo tuma luga awo diaranson 19 di juni, pa 2:00pm.
Pa loke ta e ley aki, Corte di Casacion (Cassatie) lo tuma un decision riba e ley aki dia 12 di juli, net prome cu corte bay cu recess.
