Diahuebs atardi, despues di 2:45 pm, a sosode un accidente riba e caminda di Santa Cruz, dilanti 88 Food Mart. E accidente tabata entre un Suzuki Swift blanco A-56561 y un Chevrolet SUV color cora A-3206.
Polis di trafico a presenta n’e sitio p’asina cera parcialmente e pasada p’e vehiculonan. Tambe ForenSys a presenta n’e sitio pa tuma tur dato di e accidente. Mientras cu polis tabata bezig cu e ocupantenan, a pidi p’un ambulance presenta n’e sitio. Un persona a resulta herida den e accidente.
E accidente tabata uno fuerte cu a laga ambos auto cu basta daño material, specialmente e Chevrolet. A pidi pa un takelwagen presenta pa bay cu ambos vehiculo.
