Diabierna anochi, den careda di 10:30 pm, Polis di Playa a duna un persona riba scooter MFA-369 ordo pa para, pa motibo cu e tabata core di forma iresponsabel. Pero e motociclista no a sigui ordo di polis.
E motociclista a cuminsa core pa polis y aki a inicia un persecucion den e cayanan di Playa. Ni cuanto cu polis a bis’e pa para no a haci caso. Polis no a pensa dos biaha y a drenta den verboden, esta Celsiusstraat, pa deten’e.
E documentonan di e scooter no tabata na ordo. Di biaha a bay over na confisca esaki y a duna e motociclista masculino boet.
