Diasabra marduga alrededrod di 1:00 am patruya di San Nicolas a keda asombra ora un auto marca Mitsubishi modelo Lancer color shinishi a pasa nan “bala bala” y cu luz paga den Pastoorhendrikstraat.
Ta na altura di Joe Laveist Ballpark, ora cu a duna e auto señal pa para pero no a logra para. E auto a bin para te band’i Today Supermarket riba Weg Sero Preto.
A deten’e mesora y hib’e warda di polis den un transporte policial. E auto a keda para cant’i caminda mientras e chauffeur tin cu bay duna cuenta na un subfiscal di su acto. Ta birando masha popular e ultimo dianan aki unda cu chauffeurnan ta purba nan suerte di core den toque de queda, di cual, no ta tur ta conta cu e suerte di no topa un polis riba caya.
