Tabata alrededor di 9:55 pm c’un chauffeur di un auto marca Hyundai modelo Tucson a perde control y cay den greppel. Tur cos ta mustra cu e chauffeur tabatin pura y pa un motibo of otro a perde control.
E impacto tabata fuerte, unda e chauffeur a ricibi basta sla na su cabes, hasta un kap. Ambulance t’e prome cu a presenta na sitio, pero e chauffeur a nenga atencion medico. Ta riba e caminda di Hato pa Pos Abou, unda e incidente a tuma luga. E tabata su so den auto.
Na dado momento e homber a cuminsa bira fastioso na sitio y no kier a coopera cu polis. Esey tabata tur motibo pa deten’e y transport’e pa ward’i polis. Pa awo, e homber lo permanece encarcela.