Diadomingo atardi alrededor di 6:30 pm a sosode un accidente den bocht skerpi pega cu cura’i aeropuerto. Ta trata di un auto marca Nissan modelo Sentra color shinishi, numera A-64118. E auto tabata biniendo for di Buena Vista direccion aeropuerto, pero den e bocht peligroso a perde control y dal den un troncon di mata.
Consecuentemente tanto e chauffeur como demas pasahero a resulta herida. Ta trata di accidente di un solo partido, pues no tabatin mas auto envolvi. Polis di trafico a presenta pa atende cu e accidente mientras cu ambulance a check un cu e otro cu e victimanan. Na final a transporta dos persona pa hospital pa ricibi atencion medico avansa.
