E pelicula di productor local Angel Soto, esta BLACKOUT, a cera aña 2022 cu otro prestigioso premio. Durante di e Northeast International India Film Festival (NIIFF) 2022, e pelicula BLACKOUT, a gana e premio di Best Feature Film di 2022.
Tabata na september 2022, cu a estrena e pelicula. E storia tabata di e reportero “Juancho” cu a purba di alerta autoridadnan local cu Aruba tabata na punto di ta ataca p’e Alemannan. Ningun hende a kere.
E premio aki tabata e di dos galardon cu BLACKOUT a ricibi.
Na India tambe BLACKOUT a gana e premio di miho pelicula Internacional durante di e “International Lake City Film Festival” 2022.
Aruba por ta orguyoso di tanto e actornan, e productor y tur esunnan cu a traha pa haci BLACKOUT posibel. Aruba ta chikito den tamaño, pero cu talento grandi.
