Diadomingo marduga alrededor di 3:00 am polis a presenta cu urgencia n’un bar na Tanki Leendert p’un pelea parti pafo.
Na nan yegada a compronde cu un grupo a manda boter riba e otro y cuminsa hala otro na conopi. Mesora a cuminsa busca e grupo pero no a logra topa cu nan. Segun testigo a conta, nan lo a move prome cu polis a yega. Tin indicacion cu tabata un bululu basta intenso.
Polis a tuma informacion for di testigonan y a sigui cu nan patruya riba caya.
