Katatumbo riba su mes tin por lo menos 18 aña di existencia, segun manager di e agrupacion, Victor Vrolijk.
A presenta 15 aña largo pa despues sigui contribui cu e parti di cultura, cu dande y tipico. E aña aki Jeon a acerc’e pa un proyecto di dje, unda cu Katatumbo a sali graba hunto cu ne.
Esaki ta un proyecto unda cu el a canta hunto cu Caceres, kende ta un Venezolano y na momento cu a acerca e grupo.
Tin di remarca cu Jeon tabata forma parti di Katatumbo den pasado, unda cu practicamente el a cuminsa como gaitero. Tambe el a yega di composita varios cancion di Katatumbo cu tabata hit den pasado.
Na momento cu a acerca Katatumbo, esaki sigur tabata un honor tanto p’e grupo y p’e mes como cantante pa forma parti p’e despues di basta aña, p’asina aki ehecuta e proyecto.
E cancion yama ‘Bolbe Cas’. E ta bay riba un persona den e caso aki un hoben cu ta biba na Hulanda, cu tabata den tiki depresion. Ora cu un hoben bay studia e presion semper t’ey cu nan ta leu fo’i cas. Dado momento e kier a pone fin na su existencia. Sinembargo a presenta un regalo den forma di un ticket p’e por a bin cas bek y celebra hunto cu su famia.
Pa un cobertura mas amplio lesa e edicion di TREMPAN di mañan.
