Kico nos muchanan ta siña awendia mirando TV, scucha radio, riba nan laptop y tur otro medio di comunicacion? Ta bon pa abo como mayor tene cuenta cu tur cos y pone ordo den cas pasobra, abo ta prome yama como responsabel pa bo yiunan.
Y bo mester pone nan na altura di lo siguiente;
Dios ta Dios di Amor.
Dios ta pordona.
Dios no ta kibra un famia, laga yiu bandona pa forma otro famia.
Dios a traha homber y muhe (original), tur sobra nomber ta hende a yama nan mes..
Dios no ta obra den Orguyo.
Dios no ta daña nomber di hende, ni tampoco ta stimula vengansa.
Dios no ta apoya Violencia Domestico.
Dios no ta den asunto di plantacion, benta y uzo di droga.
Dios no ta manda ningun hende prizon.
Dios no ta cambia , locual Dios priminti e ta cumpli.
Dios no tin excepcion di persona, Dios no ta discrimina, tur cu bin cerca Dios mester cambia.
Dios no ta maltrata ni tampoco abusa di ningun mucha.
Dios ta doño di tur placa y oro.
Dios a bisa pa un homber tin un solo muhe y un muhe un solo homber.
Dios ta un Dios di respet y ordo tur caminda.
Dios ta un Dios di union.
Awel tur mucha sa di awe pa dilanti cu caminda bo mira rabia, odio, orguyo, vengansa, envidia, bringamento, traicion. falta di respet, canamento den gang , tiramento, etc. DIOS NO TA DEN E ASUNTO EY.
Ta confundi e muchanan hopi ora hende cu mester sa miho, ta mal influencia nan, tin biaha ta berguensa pa bo tende hende grandi, proclama maldad y tambe hacie of sea complice of miho bisa consenti cu maldad y te ainda ta papia di Dios. Ta ora pa arepenti.
Laga esaki ta bon cla pa tur mucha y hende grandi: Caminda tin odio, envidia. Egoismo, amargura den curason Dios no ta. (Sabiduria Santiago 3:13-16).
Pasobra e ola di maldad cu a lanta ta pone cu si como mayor no pone debido atencion, bo ta core e chens di perde bo yiu.
Tin demasiado confusion ta bay rond y tin hopi malvado ta maestro falso, cu kier impone cos nan cu no ta di Dios den nos muchanan.
Nos ta bisa esaki pasobra tin hopi informacion eroneo pa nos hubentud den un futuro cercano y nos ta pidi Dios pa nan no pasa via enseñansa.
No ta un wega, ni tampoco no ta fanaticada, pero a yega tempo como mayor pa abo sinta combersa trankil cu bo yiu, invita bo yiu, pa cana of bay pisca y combersa pa abo por ricibi di dje y e tambe ricibi di bo.
Hopi mayor no sa con combersa cu nan yiu sin discuti, pero simplemente scucha pa bo yega na e mucha su curason, pasobra nos mester bisa bo cu satanas ta loer bo yiunan, y su plan ta pa destrui.
Nos ta pidi Dios misericordia y sabiduria pa tur mayor den e tempo trabahoso aki . 2 Tim 3:1-9.
