Tur aña durante ricibimento y confirmacion e pastoornan ta papia cu e mucha- y hobennan riba diferente manera cu por dedica na Dios, sea como pastoor, soeur, catekista, entre otro. Na Aruba e vocacion pa bira sea pastoor of soeur no ta hopi.
Pastoor Jairo Maduro, Parokia Inmaculada Concepcion, a splica cu na Aruba e no ta asina visibel, pero otro parti mundo esey ta normal. Otro parti di mundo tin hopi vocacion. Tin pais cu e seminarionan ta yen, e conventonan ta yen. El a expresa di a mira un potret dje soeurnan na Corsou y tin tres di Aruba. Un di nan ta superior dje monasterio. Ta mira cu esey ta bay poco slow.
E ta haya cu mester resa mas, mester sigui presenta iglesia, e cara di iglesia den un forma. E generacion nobo ta sintie normal na cas den iglesia y mira posibilidad cu Dios por sembra un yamada den su curason. Asina ey e bisa si y sirbi Dios como soeur of sacerdote.
