Mainta trempan a tuma luga Diaranson di Shinishi den Parokia Inmaculada Concepcion. Temporada di cuaresma a cuminsa cu ponemento di shinishi riba frenta.
Pastoor Jairo Maduro di Parokia Inmaculada Concepcion a expresa di a habri e dia cu bastante hende cu a duna atencion n’e yamada haci p’asina cuminsa cu e temporada di Cuaresma cu ponemento di shinishi riba frenta. Esaki ta mustra cu kier demostra e disponibilidad pa biba e temporada den spiritualidad, den austeridad, den ayuno, den comparti, den caridad. Esey ta e palabranan cu Dios ta manda den direccion di hende.
Ponemento di shinishi ta un rito cu ta pone hende corda riba nan fragildad. El a referi cu tur hende ta shinishi, cu un dia “nos ta bay fo’i mundo aki.” “E ta recorda nos cu dilanti di Dios nos ta chikito. Nos tin mester di Dios tur momento di nos bida”, pastoor a expresa.
Dunamento di shinishi ta mara na un sirbishi di palabra. Segun pastoor, e no ta algo magico. Kiermen hende ta bin tum’e pa un proteccion, pero e ta mara na e palabra di Dios cu mester scucha y compronde. A duna e shinishi durante misa di 5:00 am y durante dia tin e scolnan tambe. Pa 7:00 pm e pueblo di Dios por presenta un biaha mas pa tuma shinishi.
Pa mas lesa TREMPAN.COM.
