Dia 24 di september e di tres Climate Action Aruba lo tuma luga, un evenemento di cuidadano, studiante, hoben preocupa cu e situacion cu e clima. Nan ta pidi e gobierno nobo pa actua urgentemente y tuma mas medida pa para e keintamento di nos tera y e destruccion di nos medio ambiente.
Mi kier invita tur muchanan y hobenan un biaha mas pa participa. E ta pa nan futuro, nan tin cu crece cu e problema y e consecuencianan di e cambio di e clima.
Den e siman prome cu dia 24 por haci algo den e grupo caba tocante e clima y nos naturalesa y kico por haci. Tin gruponan cu ta planta mata, tin cu ta pinta algo cu e tema di clima, tin cu ta canta cantica.
E aña aki, door di Corona, nos no ta pidi boso presencia fisico, pero si di pone boso zapatonan como simbolo, saca potret y post esey riba nos Facebook site cu #ClimateActionAruba3.0
Riba nos Facebooksite por lesa mas tocante e accion y nos peticion pa e clima.
Link pa e petition: https://www.change.org/p/ita-aerts-hotmail-com-urge-the-government-of-aruba-to-take-action-on-the-climate-crisis
Tambe por tuma contacto cu via [email protected]
Climate Action Aruba a wordo inspira door di e accionan di #GretaThunberg y #FridaysforFuture
Nos no ta conecta cu ningun partido politico y nos no ta wordo gesponsored .
Spera di wak e potretnan di boso Climate Actions!
