Despues di un bay bin den e reunion di Parlamento pa trata presupuesto di e organo aki, awe nochi finalmente a logra yega na un consensus entre coalicion y oposicion pa aproba e presupuesto 2020 di Parlamento. Esak incluyendo un amienda di partido di oposicion pa reduccion di nan salario cu 25%.E tabata un reunion cu a cuminsa diamars mainta pero cu no a logra finalisa e mesun dia ni awe mainta aparentemente debi na diferencianan di opinion entre partnernan di coalicion.Den tur e discusionnan entre coalicion, fraccion di AVP a bin dilanti cu un amienda cu ta cay entre e dos gruponan, esta 25%. Michael Lampe na final a bisa cu e partidonan a logra yega hunto.
E ta contento cu otro fraccion a braza e amienda y di e forma aki demostra cu ta para solidario cu pueblo den e momentonan dificil aki. Unico cos e ta lamenta, cu el a tarda un poco. “Nos ta contento di a pasa e fase ey y mustra cu nos ta solidario cu pueblo.
Awo nos ta bay drenta un fase nobo riba con construi e Aruba cu nos kier despues di e crisis.”Parlamentario Dowers a expresa su satisfaccion cu e otro fraccionnan a bay di acuerdo cu e ambienda. Pero e ta di acuerdo cu loke Parlamento a haci mester ta un señal di e caminda cu Gobierno tambe mester sigui.”Nos mester para hunto pa haya e ayudo.”