Paranda di alegria pa nos grandinan ta un proyecto cu Movemento ta Bida a cuminsa cu ne na december pa tur e grandinan.
Fio Wester, musico, a splica cu nan ta bay un siman despues di Pasco te cu prome cu Aña Nobo, nan ta bay cuater cas. Nan ta conta 4 pa 5 cantica. Na final nan tabata toca un Dande. Nan a haci esaki pa full un siman.
Nan a sigui cu e proyecto aki Dia di Mama y awo nan a hacie tambe pa cu Dia di Tata. Meta di e proyecto aki ta pa tene nos grandinan den diferente bario pa asina trece poco alegria cerca nos grandinan y asina tene nan contento.
Wester a sigui bisa cu nan ta un grupo di boluntario, cu pa un siman largo nan ta bay entre 4 pa 5 cas, tur atardi. E grupo ta trece hopi ambiente y e hendenan ta gosa. Ta lastima cu no a cuminsa cu e proyecto aki algun aña atras.
Por ultimo, Fiyo Wester a indica cu no tin nada mas bunita pa un yiu canta pa un mayor. Door di esey e biaha aki nan a bin c’un mucha, cu a duna un presentacion masha bunita.
Tambe Fiyo Wester a gradici Emma Geerman cu a busca tur e casnan den Sta. Cruz, unda cu tur dia nan por a presenta na 4 cas.