Rond di ocho mil studiante di scol secundario rond mundo ta participa den e National High School Model United Nations (NHSMUN) na New York. Esaki ta e competencia di mas grandi, mas diverso y bieu di Model United Nations (MUN) p’e studiantenan di scol secundario, unda cu e studiantenan di 80 pais rond mundo ta bini hunto e luna aki pa competi representando nan delegacion y pais.
Despues di cinco luna di preparacion fuerte, María Teresa Rodríguez, Emelie Morett, Kevin Smit, Marie-Louise Lopez, Fabiana Montero y Rebecca Yrausquin, compaña p’un team di consehero di facultad cu ta consisti pa Alessio Vargas, Anabela Vivas, Christian Campos y Daniel Matheus ta atende NHSMUN. Nan lo ta representando Croacia, cual ta e pais asigna na nan p’e conferencia, den diferente comision, unda lo discuti diferente interes global.
Pa prome biaha un delegacion di Aruba ta presente n’e NHSMUN, unda cu nan ta spera lo ta un proceso continuo e aña aki, y asina ey mas Arubiano por experencia na esaki. Marie-Louise Lopez, studiante di International School of Aruba (ISA), a expresa cu nan ta bay New York pa participa den e NHSMUN, cual ta un simulacion di Nacionnan Uni, cual meta ta pa yega na solucion p’e problemanan mundial.
Nan tur ta bay participa den diferente conferencia y debate, unda nan lo ta representa nan pais Croacia. Aki lo debati riba e echo di busca solucion p’e pais. Lopez su obhetivo ta pa lucha contra insiguridad, tin siguridad pa mucha y alfabetismo (illiteracy) di mucha.
Pa mas lesa TREMPAN.COM.
