Diadomingo a habri como un dia basta ocupa pa polis. Cuminsando na un caso lamentabel na Pos Chikito, na momento cu auto a dal un ciclista y bay lag’e. Pa mas of menos 6:00 di mainta, un patruya a topa un Ford Edge cu a dal contra un mata den Caya Musica. E auto no por a sigui core mas debi na e impacto.
E chauffeur pa motibo desconoci a baha for di caminda y a dal basta duro contra e mata. Afortunadamente ningun hende a resulta herida. Mirando cu tabata un persona so envolvi, polis a lag’e den man di roadservice.
Takelwagen a presenta na sitio pa hala e auto for di caminda.
