Dialuna Aruba a celebra Dia di San Juan, miho conoci como Dera Gay cerca e pueblo di Aruba. Varios caminda rond di Aruba a celebra esaki.
E aña aki tabata di dos aña consecutivo cu Centro di Bario Savaneta a organisa Fiesta di San Juan/Dera Gay y tabata exitoso un biaha mas. Vanessa de Kort, Lider di Programa na Centro di Bario Savaneta a cuminsa na bisa. Aunke cu e tabata riba un dialuna, hopi hende a bin celebra e dia aki hunto cu demas miembro- y habitantenan di Savaneta y bisindario.
E anochi aki tambe tabatin un exposicion di cuadra di Dera Gay, unda cu e muchanan di Traimerdia a pinta algo di Dera Gay. Sigur algo bunita pa wak, e talento di e muchanan di Traimerdia.
E anochi aki tambe tabatin un obra teatral, bou direccion di Ferdinand Franca, otro gay ta canta, cual tambe a wordo bon ricibi p’e publico presente. Tambe Kevin Gumbs cu a presenta nan baile.
Musica tabata na encargo di Tipico Colegio Arubano y Tipico Pegasaya cu a clausura e anochi mahestuoso aki.
