E diputado pa estado Monagas, Maria Gabriela Hernandez, a comparti algun imagen cu ta revela un otro derame petrolero desde e refineria di “El Palito”, situa na Puerto Cabello, estado Carabobo.
“Profesor (Eduardo) Klein, a comparti potretnan cu ta revela cu tabata tin un derame desde e refineria di El Palito. El a indica cu esaki “lo por afecta e beachnan di Boca de Aroa y Tucacas, como tambe eventualmente Parque Nacional Morrocoy”.
El a agrega cu “tur cos ta indica cu e coriente ta bay den direccion noordwest. Riba e imagen Planet di 11:10 di dia 16 di december por calcula e area di derame den mas o menos 28.5 km². Esey ta ekivalente na 4750 veld di futbol. Pa boso tin un idea di e tamaño, e vierkant den e imagen ta un veld di baseball”.
