Grupo di trahado di Aruba Ports Authorithy (A.P.A.) a tene un walkout pa ariba mustra nan malcontento di nan situacion. Sindicato Federacion di Trahadornan di Aruba (F.T.A.) tabata presente pa asina vocifera e preocupacionnan.
Ryan Giel, director di negociacion di F.T.A., a vocifera cu tin hopi problema. Nan a sali di un negociacion unda yen di palabracion tabata haci, pero awo tin e parti unda ta cambia e palabracionnan. Esey ta pone cu e trahado ta haya desconfiansa di e shopsteward riba cos cu no tabata bisa.
Giel a indica cu nan a manda diferente carta, pero no a haya contesta di biaha. E ta un problema, pasobra si tin trahado ta trece dilanti desconfiansa mester atende cu esaki lihe. Pero esey no tabata e caso. Esey tabata suficiente motibo cu FTA mes a acerca e miembronan cu a dicidi di walkout. Ta purba di drecha e situacion.
F.T.A. ta kere door di dialoga ta yega mas leu na luga di keda riba mesun standpunt. P’esey ta bay manda un otro carta, unda kier reuni cu e gerencia dentro di un siman pa atende cu e problemanan.
E sindicato ta haya cu A.P.A. ta un luga hopi importante y no kier stroba e movecion, e desaroyo cu tin, pero si ta yega momento cu mester haci esey lo tuma e paso esey.
Pa mas lesa TREMPAN.COM.
![](https://24ora.com/wp-content/uploads/2024/05/IMG_1639-1920x1440.jpg)
![](https://24ora.com/wp-content/uploads/2024/05/IMG_1635-1920x1440.jpg)
![](https://24ora.com/wp-content/uploads/2024/05/IMG_1634-1920x1440.jpg)