Diabierna mainta durante un conferencia di prensa, Otmar Oduber a trata e tema di e construccion di Secrets Hotel na San Nicolas.
Desde cu Lago a bandona Aruba, tur gobierno cu a sinta, di tur asignatura, tur minister di Turismo y/o Economia a busca pa por haya un hotel pariba di nos isla pa tin un desaroyo hotelero pariba di nos isla. Y awo cu tin un hotel den construccion, cu a logra haya un desaroyador cu ta dispuesto pa inverti den un area no desaroya, pero unabes cu e hotel keda cla, esaki lo trece un spinoff increibel pa Aruba.
Pa Oduber, hopi hende no ta realisa e importancia di e hotel aki pa e pueblo di San Nicolas. E no ta solamente un actividad economico, pero e ta e actividad economico cu pa mas di 40 aña tabata busca pa San Nicolas.
Oduber a sigui bisa cu e no ta scucha e miembronan di Parlamento ta haci pregunta, como sifuera cu San Nicolas no ta importante. Awo cu e instancianan di Gobierno a contesta e bezwaar di e bisiñanan, cu tabatin nan derecho pa tin un bezwaar. Oduber no tabata di acuerdo cu nan bezwaar, door cu nan bienestar personal, no por ta riba e bienestar general di Pais Aruba.
Gobierno su departamento a faya den no contesta e bezwaar cu consecuencia cu a para e construccion di e proyecto. Parrlamento mester tene na cuenta cu no por stop e construccion di e hotel aki mas, pa motibo cu e hotel aki por para definitivamente. E por nifica cu e desaroyadonan no ta sigui mas cu e hotel. Y esaki lo por tin consecuencianan financiero desastroso pa Aruba.
Pa Oduber, e Gobierno falta e curashi como Gobierno pa soluciona impasse di Secrets Hotels.
Pa mas informacion, lesa TREMPAN.
