“Mi ta contento cu awe, cu incinerator a cay, tur hende ta realisa con importante e ta pa Aruba. Y lamentablemente ta mira un minister awe cu no ta pone atencion na dje,” tabata reaccion di ex-minister Otmar Oduber durante un conferencia di prensa cu el a tene dialuna mainta. A pesar di tur critica, e incinerator, el a bisa, cu a caba cu un situacion poco higienico cu tabatin riba dump
Siman pasa DOW a yama un conferencia di prensa durante cual a informa di e sucedido cu e incinerator, cuanto lo dura ainda (maximalmente 4 siman) pa e keda cla y ki efecto e cantidad di sushi entrega tabatin riba e mashin.
E politico kier a refresca memoria di hopi hende riba e tema aki,di kico tur a bini dilanti na momento cu tabata preparando su introduccion na Aruba.
E tempo ey, segun datonan compila, tabata papia di 200 ton di desperdicio medicinal. A base di e datonan a cuminsa busca un mashin cu por atende e volumen aki. “Den tres luna di tempo, mi a compronde di Serlimar e aña’ki, nan a surpasa e 200 ton. Ta calcula cu ta caba e aña cu rond di 600 pa 700 ton di desperdicio medicinal so. Y si no tabatin incinerator, unda esaki lo bay finaliza? Naturalmente riba dump tira. Un dump cu tanto a critica y a bisa cu mester ser’e.”
