Diaranson proximo, Tedros Adhanom Ghebreyesus, director general di e Organisacion Mundial di Salud (OMS) lo participa como orador, hunto cu otro personalidadnan, den un sesion dentro di e reunion anual di e Foro Economico Mundial cual lo tuma luga na Davos, Suisa. E sesion tin como titulo “Preparando pa malesa X’.
MALESA X’
Segun OMS, e ‘malesa X’ ta representa e conocemento di c’un epidemia internacional grave lo por ta causa pa un infeccon di cual actualmente no ta conoci si e ta causa ‘malesanan humano.’ OMS a adverti c’un malesa desconoci X provoca pa un ‘hipotetico patogeno’ cu lo por provoca binti biaha mas morto cu e pandemia di Coronavirus.
E malesa potencial aki ta den e mesun nivel di importancia cu e investigacion cu e otro malesanan peligroos cu cual nos ta lidia den actualidad y cu ta riba e lista di prioridadnan di e organismo internacional. Den e version actualisa di e malesanan, ta provoca un risico aun mucho mas grandi debi na su potencial epidemico y/o si no ta existi contramedida of no ta suficiente.
OMS a numera e ocho prioridadnan:
· Covid-19
· Keintura hemoragico di Crimea-Congo,
· Malesa pa e virus di Ebola y malesa p’e virus di Marburg
· Keintura di Lassa
· Sindrome respiratorio di Meido Oriente pa Coronavirus (MERS-CoV) y sindrome respiratorio agudo severo (SARS)
· Nipah y malesanan henipa viral
· Malesa di e Valle di Rift
· Zika
Reaccion riba anuncio di e sesion
E noticia di e inclusion di e tema aki den e reunion di e Foro Economico Mundial a genera un debate fuerte riba e rednan social, segun Fortune a informa. Hopi di e usuarionan a adverti di e supuesto preparacionnan pa e malesa desconoci lo por ta paralel cu e sorto di medidanan di ciere implementa durante e pandemia di COVID-19.
Rib’esaki, Monica Crowley, cu tabata sub-secretaria di e asuntonan publico di e Departamento di Tesoro Mericano durante e Gobierno di Trump, a señala riba X (Twitter) cu un ‘contagio nobo’ net na tempo pa eleccion primario’ lo permiti e globalistanan no electo’ implementa blokeo, “restringi e libertad di expreson y destrui mas libertad.
“E ta zona algo fuera de serie? Esaki a sosode tambe na 2020,” el a agrega.
Di otro banda, Dr. Amesh Adalja, academico principal di e Centro Johns Hopkins pa Siguridad di Salud (Merca) a comenta cu e profesionalnan di salud publico “semper a realisa experimentonan mental y ehercicio practico pa prepara nan mes pa e pandemia.” “Sugeri, di manera arbitrario” cu e ehercicio- y reunionnan ta parti di algun sorto di conspiracion ta evadi e proposito berdadero pa cual nan ta traha y e problemanan riba cual nan ta tratando di gana tereno,” el a splica.
Sinembargo, e Servicio Federal di Rusia pa Supervision di e Proteccion y Bienestar di Consumidor (Rospotrebnadzor) a indica cu e proximo debate lo por tin motibonan mas economico cu cientifico.
El a recorda cu, despues di e fin di e pandemia di COVID-19, OMS ta purbando di promove e idea di e necesidad di reforma e arkitectura sanitario mundial.
Como hustificacion a bisa di menasanan futuro, papiando di e falta di preparacion di mundo pa esaki y a pidi un financiacion mas grandi pa e organisacion.
