Diabierna, 12 y diasabra 13 di October, lo bay ta dos dia grandi di congreso y concierto di gala pa loke ta trata C100, esta 60 aña di Cas di Cultura y 40 aña di DCA.
Vicky Arens, directora di Cas di Cultura a comenta cu e oradornan internacional ta na Aruba cu ta bezig ta wak con nan ta ubica nan mes, con e speechnan ta bay.
Ta hopi entuasma pa loke ta e storianan. Por a scucha discursonan caba conmovedor y sigur storianan con arte y cultura por ta sano pa tur ser humano y pa un comunidad specificamente, en general.
Arens ta kere cu ta un bon momento pa publico, pa educadornan, pa esnan di gremionan social, hendenan di SKV, artistanan di Aruba, lidernan di grupo cultural, pa bin scucha y pa bin haya un tiki mas aliento, wak un tiki cu bentana p’afo y refleha kico bo por haci aki na Aruba pa loke ta arte y e pasion cu bo ta traha cu esaki.
Papia one on one cu e oradornan tambe, dialoga cu nan, sigur sigur esaki lo ta un aire fresco den nos area cultural.
Henter pueblo di Aruba, hendenan cu gusta bay congresonan pa haya idea nobo, pa topa hende nobo, pa yega diabierna awo na Cas di cultura, pa asina forma parti di e congreso, sin kita afo e Concierto di Gala cu lo tuma luga diasabra, den Cas di Cultura.
