Departamento di Asuntonan Economico, Comercio y Industria ta informa cu ainda por registra pa participa na Hub Camara Santo Domingo.
Den ultimo añanan tin mas y mas interes den producto for di Republica Dominicana y cu e inicio di e transporte di Don Andres entre Rio Haina cu conexion directo pa Aruba, ta presenta ainda mas oportunidad pa e empresario cu kier haci negoshi cu Republica Dominicana.
Pa e empresario aki cu interes den Republica Dominicana, tin un feria comercial cu lo tuma luga di dia 6 pa 8 september 2022 cu enfoke riba e sectornan di Tecnologia, Construccion, Energia, Productonan Industrial y Productonan Agropecuaria. Hub Camara Santo Domingo ta un feria comercial anual cu ta reanuda despues di a para pa motibo di e pandemia. Pa por participa na e feria aki mester registra prome cu dia 21 augustus pa asina e organisadonan por traha un programa atractivo pa cada empresario. Den cierto caso, tambe tin incentivo cu acomodacion y transporte na Santo Domingo paga door di e organisadornan di Hub Camara Santo Domingo.
Pa ricibi mas informacion riba Hub Camara Santo Domingo, manda mas pronto posibel un mail pa [email protected] pa asina por ricibi tur e informacion y e link pa registra na Hub Camara Santo Domingo. No perde e oportunidad aki!
