Oranjestad / Willemstad / Philipsburg – Banco Central di Corsou y Sint Maarten (CBCS) ta investigando e opcionnan strategico pa Ennia Caribe Holding (Aruba) N.V. (ECHA) y su companianan subsidiario (Ennia Aruba).
E companianan subsidiario ta financieramente solido y ta cay bou di supervision di Banco Central di Aruba (BCA). Den e contexto aki, a tuma luga combersacionnan constructivo entre CBCS y BCA tocante un posibel transaccion involviendo Ennia Aruba y e comparticion di informacion durante e proceso di transaccion.
E combersacionnan aki a resulta den firmamento di un Protocol di Proceso riba dia 24 di mei, 2024, entre CBCS, BCA y Ennia Caribe Holding N.V. (ECH) (e compania maternal di ECHA).
Den e proximo lunanan CBCS lo identifica e opcionnan strategico pa e operacionnan na Aruba di e companianan di seguro di Ennia, teniendo na cuenta e interes di tanto Ennia Aruba y su aseguradonan, como tambe di Ennia Group y su aseguradonan. Si como resultado di e proceso menciona, un cambio di control di e companianan di Ennia Aruba lo surgi, un aprobacion previo di BCA ta necesario. Pa e rason aki, CBCS y BCA lo coopera den un forma estrecho den e proximo lunanan pa sigura cu e proceso ta desaroya di un manera eficiente y efectivo.
Oranjestad, 17 di juni, 2024 Willemstad, 17 di juni, 2024
Centrale Bank van Aruba Centrale Bank van Curaçao en Sint Maarten
